Սեփականության իրավունք

 Սեփականության իրավունքը ճանաչված է որպես մարդու հիմնարար իրավունք, որի պաշտպանությունը երաշխավորված է ինչպես ՀՀ Սահմանադրությամբ (Հոդված 60), այնպես էլ Մարդու իրավունքների եվրոպական կոնվենցիայի Առաջին արձանագրության 1-ին հոդվածով։

Պետությունը պարտավոր է ցանկացած գույքային միջամտություն կատարել բացառապես` օրինական հիմքով, այն է` նորմատիվ իրավական հիմքի հստսկ առկայությամբ,

• իրավական որոշակիության սկզբունքի պահպանմամբ,

• համաչափության սկզբունքի լիարժեք պահպանմամբ,

• համապատասխան փոխհատուցման տրամադրմամբ,

• թվարկված բոլոր պահանջների նկատմամբ պատշաճ դատական վերահսկողության երաշխավորմամբ։

Եվրոպական դատարանի կայուն նախադեպային իրավունքը հաստատում է, որ պետությունը՝ ի դեմս պետական մարմինների, չի կարող կամայականորեն զրկել անձին իր սեփականությունից։

Պատահական չէ, որ որպես սահմանադրական կարգի հիմունք-նորմ Հայաստանի Սահնանադրության 10-րդ հոդվածը երաշխավորում է, որ «Հայաստանի Հանրապետությունում ճանաչվում և հավասարապես պաշտպանվում են սեփականության բոլոր ձևերը»: